သရက်ချောင်း၊ ၂၀၂၀ ပြည့်နှစ်၊ မေ ၁၇ ရက်
တနင်္သာရီတိုင်းဒေသကြီး ပြည်သူ့ကျန်းမာ/ကုသရေးဦးစီးဌာနမှူး ဒေါက်တာ ထွန်းမင်းသည် (၁၇-၅-၂၀၂၀) ရက်နေ့တွင် သရက်ချောင်းမြို့နယ်၊ ပြည်သူ့ဆေးရုံ၊ ရငဲတိုက်နယ်ဆေးရုံ၊ ပဲဒက်တိုက်နယ်ဆေးရုံ၊ ညောင်ဇင်ကျေးလက်ကျန်းမာရေးဌာန၊ ပဲဒက်ကျေးလက်ကျန်းမာရေးဌာနများကိုစစ်ဆေးခဲ့ပါသည်။ တိုင်းဒေသကြီးဦးစီးမှူးသည် ဆေးရုံဆေးခန်း ဝန်ထမ်းအိမ်ယာများ တည်ဆောက်ပြီးစီးမှုနှင့် ကုသရေး လုပ်ငန်းဆောင်ရွက်နေမှုများကို စစ်ဆေးလမ်းညွှန်ပါသည်။ ထို့နောက် Quarantine စခန်းများသို့ သွားရောက်ကာ ကျန်းမာရေးစောင့်ရှောက်ပေးနေမှုကို စစ်ဆေးပြီး လိုအပ်သည်များမှာကြားပါသည်။