ရှမ်းပြည်နယ်(အရှေ့ပိုင်း) ပြည်နယ်ကုသရေးနှင့် ပြည်သူ့ကျန်းမာရေးဦးစီးဌာနတွင် COVID-19 ရောဂါ ကာကွယ်ရေးနှင့်ပတ်သက်၍ သင်တန်းကျင်းပ
ကျိုင်းတုံ၊ ၂၀၂၀ ပြည့်နှစ်၊ မေ ၁၁ ရက်
ရှမ်းပြည်နယ်(အရှေ့ပိုင်း)၊ ပြည်နယ်ကုသရေးနှင့်ပြည်သူ့ကျန်းမာရေးဦးစီးဌာန၊ အစည်းအဝေးခန်းမတွင် Fever Clinic ၌ စေတနာ့ဝန်ထမ်း တာဝန်ထမ်းဆောင်ရန် အမည်စာရင်းပေးသွင်းထားသည့် နောက်ဆုံးနှစ် သူနာပြုသင်တန်းကျောင်းသူများအား COVID-19 ရောဂါကာကွယ်တားဆီးကုသရေးနှင့် ပတ်သက်၍ သင်တန်းပို့ချခဲ့ပါသည်။ အဆိုပါသင်တန်းတွင် ပြည်နယ်ကုသရေးနှင့် ပြည်သူ့ ကျန်းမာရေးဦးစီးဌာနမှူး၏ လမ်းညွှန်ချက်ဖြင့် ဒေါက်တာကောင်းမြတ်စိုး၊ ဦးစီးအရာရှိ(အခြေခံကျန်းမာ)မှ သူနာပြုသင်တန်းသူများအား Personal Protective Equipment(PPE) ဝတ်ဆင်ပုံ ဝတ်ဆင် နည်းများနှင့် စနစ်တကျ ချွတ်ယူသည့်နည်းများ၊ ရောဂါကာကွယ်ရေးဆိုင်ရာ လုပ်ထုံးလုပ်နည်းများကို ရှင်းလင်းသင်ကြားခဲ့ပါသည်။ အဆိုပါသင်တန်းအား စေတနာ့ဝန်ထမ်း သူနာပြုသင်တန်းသူ စုစုပေါင်း (၁၅) ဦး ခန့် တက်ရောက်ခဲ့သည်။
%2F&hash=a6a1c319429b7abc0a8e21dc137ab33930842cf5&fileName=11-5-2020_SHN(E)_NurseTraining.jpeg)
Author: MOHS-Admin
Last modified on Wednesday, 13 May 2020