နေပြည်တော်၊ (၂၀၂၀) ပြည့်နှစ်၊ ဧပြီလ (၂၁)ရက်
ပြည်ထောင်စုနယ်မြေ၊ နေပြည်တော်အတွင်းသို့ ဝင်ရောက်လာနိုင်သည့် အဝင်အထွက်ဂိတ်များတွင် ကျန်းမာရေး စစ်ဆေးမှု ပြုလုပ်ရန်နှင့် လိုအပ်ပါက Facility Quarantine သို့ ပို့ဆောင်ရန်အတွက် တာဝန်ယူ ဆောင်ရွက်နေသော နေရာများသို့ ဒုတိယညွှန်ကြားရေးမှူးချုပ် ဒေါက်တာမြတ်ဝဏ္ဏစိုး၊ Quarantine Officer ၊ ဒုတိယညွှန်ကြားရေးမှူး ဒေါက်တာအေးအေးမာနှင့်အဖွဲ့ သွားရောက်ကြည့်ရှု စစ်ဆေးခဲ့ပါသည်။ နေပြည်တော်ကောင်စီအတွင်းသို့ အဝင်အထွက်များသော ဂိတ်များမှာ ကြို့ပင်သာအနီးဂိတ်၊ ကင်းသာဂိတ်၊ တပ်ကုန်း ၁၀၉ ခမရ အနီးဂိတ်၊ ပိန္နဲပေါက်ဂိတ်၊ ရန်ကုန်-မန္တလေး အမြန်လမ်း စီလမ်းဆုံ၊ သာဝတ္ထိအနီးဂိတ်၊ ရွာတော်ဘူတာ၊ အေလာ ဘူတာ၊ ပျဉ်းမနားဘူတာ တို့ ဖြစ်ပြီး Quarantine Officer များထားရှိ၍ ၎င်းဦးဆောင်သော ကျန်းမာရေးအဖွဲ့များက ကျန်းမာရေးနှင့်အားကစားဝန်ကြီးဌာနနှင့် နေပြည်တော်ကောင်စီမှ ထုတ်ပြန်ထားသော လမ်းညွှန်မှုများ အတိုင်း (၂၄) နာရီ တာဝန်ယူ ဆောင်ရွက်လျက် ရှိပါသည်။