ပြည်သူလူထုအတွင်း အချိန်နှင့်တစ်ပြေးညီ ကျန်းမာရေး အသိပညာပေးလုပ်ငန်းများ ဆောင်ရွက်နေမှုကို ကွင်းဆင်းကြီးကြပ်
မြစ်ကြီးနားမြို့ ၊ ၂၀၂၀ ပြည့်နှစ် ၊ အောက်တိုဘာလ (၂) ရက်နေ့
ပြည်သူလူထုအတွင်း COVID-19 ရောဂါ၊ သွေးလွန်တုပ်ကွေးနှင့် သဘာဝပတ်ဝန်းကျင်သန့်ရှင်းဆိုင်ရာ ကျန်းမာရေး အသိပညာပေးလုပ်ငန်းများကို လက်ကိုင်အသံချက်စက်များ အသုံးပြု၍ ကျယ်ပြန့်နက်ရှိုင်းစွာ အချိန်နှင့်တစ်ပြေးညီ လုပ်ဆောင်နေမှုကို ကချင်ပြည်နယ် ပြည်သူ့ကျန်းမာရေးဦးစီးဌာနမှ ဒုတိယပြည်နယ် ပြည်သူ့ကျန်းမာရေးဦးစီးဌာနမှူး (ပြည်သူ့ကျန်းမာ) ဒေါက်တာလှိုင်လှိုင်ဌေး၊ အဖွဲ့ခေါင်းဆောင်ဆရာဝန် (ကျန်းမာရေးအသိမြှင့်တင်ရေး) ဒေါက်တာလာပေါ်နှင့် မြစ်ကြီးနားမြို့နယ် ပြည်သူ့ကျန်းမာရေးဦးစီးဌာနမှူး ဒေါက်တာ ဖြိုးနန္ဒဆွေ တို့ ၂၀၂၀ ပြည့်နှစ် အောက်တိုဘာလ (၂) ရက်နေ့၌ ကွင်းဆင်းကြီးကြပ်ခဲ့ကြပါသည်။
%2F&hash=a6a1c319429b7abc0a8e21dc137ab33930842cf5&fileName=2-10-20_Kachin.jpg)
ထိုသို့ ကွင်းဆင်းရာတွင် မြို့နယ်ပြည်သူ့ကျန်းမာရေးဦးစီးဌာနမှ အခြေခံကျန်းမာရေးပညာရှင်များ၊ ရပ်ကွက်အုပ်ချုပ်ရေးမှူးနှင့် နယ်မြေစုမှူးများ အတူတကွပူးပေါင်း၍ မြစ်ကြီးနား မြို့နယ်၊ ရွှေညောင်ပင်ရပ်ကွက်အတွင်း လက်ကိုင်အသံချက်စက်များ အသုံးပြု၍ ကျန်းမာအသိပညာပေးခြင်း၊ ပတ်ဝန်းကျင် သန့်ရှင်းရေးကို လိုက်လံစစ်ဆေး၍ အသိပညာပေးခြင်းများ ဆောင်ရွက်ခဲ့ကြပါသည်။
Author: MOHS-Admin
Last modified on Friday, 02 Oct 2020