မကွေးတိုင်းဒေသကြီးတွင် Meeting on Selective Indicators for Scorecard အစည်းအဝေး ကျင်းပပြုလုပ်
မကွေးမြို့၊ (၂၀၂၀) ပြည့်နှစ်၊ သြဂုတ်လ (၁၁) ရက်
ကျန်းမာရေးနှင့်အားကစားဝန်ကြီးဌာန၊အမျိုးသားကျန်းမာရေးစီမံကိန်းအကောင်အထည်ဖော် ဆောင်ရွက်နေမှုစောင့်ကြပ်ကြည့်ရှုရေးအဖွဲ့ (NIMU) နှင့် မကွေးတိုင်း ဒေသကြီး ပြည်သူ့ကျန်းမာရေးဦးစီးဌာနတို့ပူးပေါင်း၍ Meeting on Selective Indicators for Scorecard အစည်းအဝေးကို တိုင်းဒေသကြီးပြည်သူ့ကျန်းမာရေးဦးစီးဌာန အစည်းအဝေးခန်းမတွင် (၁၁.၈.၂၀၂၀)ရက်နေ့ နံနက်(၉:၀၀)နာရီတွင် ကျင်းပသည်။
အစည်းအဝေးတွင် တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးဌာနမှူးက အဖွင့်မှာစကားပြောကြားရာတွင် မြန်မာနိုင်ငံသည် လူတိုင်းလက်လှမ်းမှီ ကျန်းမာရေး စောင့်ရှောက်မှုစနစ်ကိုဦးတည်လျှောက်လှမ်း ဆောင်ရွက်လျက်ရှိကြောင်း၊ ထိုသို့ဆောင်ရွက်ရာတွင် ကျန်းမာရေးသတင်းအချက်အလက်စနစ် ဖွံ့ဖြိုးတိုးတက်ရေးနှင့် အရည်အသွေးပြည့်ဝသည့် ကိန်းဂဏန်းအချက်အလက်များရရှိရေးသည် များစွာအရေးကြီးပါကြောင်း ပြောကြားသည်။ ထို့နောက် NIMU မှ ညွှန်ကြားရေးမှူး ဒေါက်တာသန့်ဇင်ထွန်းက လူတိုင်းလက်လှမ်းမှီ ကျန်းမာရေးစောင့်ရှောက်မှု (UHC) အကြောင်းကို တင်ပြဆွေးနွေးသည်။
%2F&hash=a6a1c319429b7abc0a8e21dc137ab33930842cf5&fileName=11-8-20_Mgway_MSI.jpg)
အစည်းအဝေးသို့ တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးဌာနမှူး၊ NIMU မှ ညွှန်ကြားရေးမှူး ဒုတိယညွှန်ကြားရေးမှူးများ၊ တိုင်းဒေသကြီး ပြည်သူ့ကျန်းမာရေး ဦးစီးဌာနမှ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများ၊ အဖွဲ့ခေါင်းဆောင် ဆရာဝန်များ၊မြို့နယ်များမှ တာဝန်ရှိပုဂ္ဂိုလ်များ တက်ရောက်ကြသည်။
Author: MOHS-Admin
Last modified on Tuesday, 11 Aug 2020