ပင်းတယမြို့နယ်၊ ဇော်ဂျီကျေးရွာတွင် သွေးလွန်တုပ်ကွေးရောဂါ ကာကွယ်နှိမ်နင်းရေးလုပ်ငန်းများ ကွင်းဆင်းဆောင်ရွက်
ပင်းတယမြို့နယ်၊ ၂၀၂၀ ပြည့်နှစ်၊ ဇွန်လ (၂၆) ရက်
ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ပင်းတယမြို့နယ်ကုသရေးဦးစီးဌာနမှူး ဒေါက်တာမို့မို့ကြည်၏ စီစဉ်ညွှန်ကြားမှုဖြင့် ၂၀၂၀ ပြည့်နှစ်၊ ဇွန်လ (၂၆) ရက်နေ့တွင် ပွေးလှတိုက်နယ်ဆရာဝန် ဒေါက်တာမို့မို့ကျော် (SMO) ဦးဆောင်သော ပွေးလှတိုက်နယ်ကျန်းမာရေးဌာမှ အခြေခံကျန်းမာရေးပညာရှင်များ၊ မြန်မာနိုင်ငံကျန်းမာရေးမှုးအသင်း (ပင်းတယ) နှင့် မြန်မာနိုင်ငံပြည်သူ့ကျန်းမာရေးကြီးကြပ်အသင်း(ပင်းတယ)တို့သည် ထွက်နီကျေးလက်ကျန်းမာရေးဌာနခွဲအပိုင် ဇော်ဂျီကျေးရွာသို့ သွေးလွန်တုပ်ကွေးရောဂါ ကာကွယ်နှိမ်နင်းရေး လုပ်ငန်းများ ကွင်းဆင်းဆောင်ရွက်ခဲ့ကြသည်။
%2F&hash=a6a1c319429b7abc0a8e21dc137ab33930842cf5&fileName=26-6-20_Pday_DHFHE.jpg)
အဆိုပါကွင်းဆင်းဆောင်ရွက်ရာတွင် သွေးလွန်တုပ်ကွေးရောဂါ ကာကွယ်နှိမ်နှင်းရေးလုပ်ငန်းများဖြစ်သည့် ဖုံး၊ သွန်၊ လဲ၊ စစ် လုပ်ငန်းများ ဆောင်ရွက်ခြင်း၊ ပိုးလောက်လန်းနှိမ်နင်းခြင်း၊ အဘိတ်ဆေးခတ်ခြင်း၊ သွေးလွန်တုပ်ကွေးရောဂါနှင့်ပတ်သက်သော အချက်အလက်များကို လော်စပီကာဖြင့် နှိုးဆော်ခြင်းနှင့် ကျန်းမာရေးအသိပညာပေးခြင်းတို့ကို တစ်အိမ်တက်ဆင်း ဆောင်ရွက်ခဲ့ပါသည်။ ထို့အပြင် COVID-19 ရောဂါကြိုတင်ကာကွယ်ရေးနှိုးဆော်ချက်များ၊ သွေးလွန်တုပ်ကွေးရောဂါ ကြိုတင်ကာကွယ်ရေးနှိုးဆော်ချက်များကို လက်ကိုင်စပီကာများဖြင့် ကျေးရွာအတွင်း လှည့်လည်နှိုးဆော်ဆောင်ရွက်ခဲ့ပါသည်။
Author: MOHS-Admin
Last modified on Friday, 26 Jun 2020