ချင်းပြည်နယ်၊ ပြည်နယ်ပြည်သူ့ကျန်းမာရေး/ ကုသရေးဦးစီးဌာနမှူး အိုင်ဘူရ်းကျေးလက် ကျန်းမာရေးဌာနသို့ ကွင်းဆင်းစစ်ဆေး

ဟားခါး၊ ၂၀၂၀ပြည့်နှစ်၊ ဇွန်လ(၂၇)ရက်

     ၂၀၂၀ပြည့်နှစ်၊ ဇွန်လ(၂၇)ရက်နေ့တွင် ချင်းပြည်နယ်၊ ပြည်နယ်ပြည်သူ့ကျန်းမာရေး/ ကုသရေးဦးစီးဌာနမှူး ဒေါက်တာအောင်ငွေစံသည် လက်ထောက်ညွှန်ကြားရေးမှူး(သူနာပြု)၊ လက်ထောက်ညွှန်ကြားရေးမှူး (မိခင်ကလေး၊ ကျောင်းကျန်းမာ၊ အာဟာရ)၊ ထန်တလန်မြို့နယ် ကုသရေးဦးစီးဌာနမှူးနှင့် ဦးစီးအရာရှိ(သူနာပြု)တို့ လိုက်ပါလျက် ထန်တလန်မြို့နယ်ရှိ အိုင်ဘူရ်းကျေးလက်ကျန်းမာရေးဌာနသို့ ကွင်းဆင်း စစ်ဆေးခဲ့ပါသည်။

 


     ထိုသို့ ကွင်းဆင်းဆောင်ရွက်ရာတွင် ကျေးလက်ကျန်းမာရေး ကော်မတီဝင်များနှင့် တွေ့ဆုံပြီး အိုင်ဘူရ်းကျေးလက်ကျန်းမာရေးဌာန ခြံစည်းရိုးကာနိုင်ရေးများ ဆွေးနွေးကြပါသည်။ ထို့နောက် ကျေးလက်ကျန်းမာရေးဌာန၏ လုပ်ငန်းဆောင်ရွက်မှုများကို စစ်ဆေးကြည့်ရှုပြီး လိုအပ်သည်များကို မှာကြားခဲ့ပါသည်။

 

Author: MOHS-Admin Last modified on Saturday, 27 Jun 2020

More Tags