COVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း (18-4-2020, 10:00 am)
၁။ ကျန်းမာရေးနှင့်အားကစားဝန်ကြီးဌာန၊ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) သည် (၁၇-၄-၂၀၂၀) ရက်နေ့တွင် တိုင်းဒေသကြီး/ပြည်နယ်အသီးသီးမှ ပေးပို့လာ သော စောင့်ကြည့်လူနာ (၁၇၇) ဦးနှင့် အသွားအလာကန့်သတ်ခြင်း/ တားမြစ်ခြင်း ဆောင်ရွက် ထားရှိသူ (၂၀၁) ဦးတို့၏ ဓာတ်ခွဲနမူနာများ စုစုပေါင်း (၃၇၈)ခုအား စစ်ဆေးခဲ့ရာ (ဇယား-၁) တွင် ဖော်ပြထားသူ (၉)ဦးတို့၏ ဓာတ်ခွဲနမူနာများတွင် COVID-19 ရောဂါပိုးတွေ့ရှိရပြီး ကျန် (၃၆၉)ဦး တွင် COVID-19 ရောဂါပိုးမတွေ့ရှိကြောင်း သိရှိရပါသည်။
၂။ အဆိုပါ ဓာတ်ခွဲနမူနာများတွင် ပထမအသုတ်စစ်ဆေးခဲ့သော (၉၃)ဦးအနက် (၃)ဦး၏ ဓာတ်ခွဲနမူနာများတွင် COVID-19 ရောဂါပိုး တွေ့ရှိကြောင်းနှင့် (၉၀)ဦး၏ ဓာတ်ခွဲနမူနာများတွင် COVID-19 ရောဂါပိုးမတွေ့ရှိကြောင်းကို (၁၇-၄-၂၀၂၀) ရက်နေ့၊ ည (၈:၀၀) နာရီသတင်းတွင် ထုတ်ပြန်ပြီးဖြစ်ပါသည်။
၃။ အမျိုးသားကျန်းမာရေးဓာတ်ခွဲမှုဆိုင်ရာဌာန(ရန်ကုန်) ၏ (၁၇-၄-၂၀၂၀) ရက်နေ့၊ ည ဓာတ်ခွဲစစ်ဆေးမှုများအရ ကျန်ရှိသည့် (၂၈၅) ဦး၏ ဓာတ်ခွဲနမူနာများအနက် (၆) ဦးတွင် COVID-19 ရောဂါပိုးတွေ့ရှိ၍ (၂၇၉) ဦး၏ ဓာတ်ခွဲနမူနာများတွင် COVID-19 ရောဂါပိုး မတွေ့ရှိပါကြောင်းအား ယနေ့၊ နံနက် (၈:၀၀) နာရီတွင် ကနဦးထုတ်ပြန်ခဲ့ပါသည်။
၄။ သို့ဖြစ်ရာ (၁၈-၄-၂၀၂၀) ရက်နေ့၊ နံနက် (၁၀:၀၀) နာရီအချိန်အထိ မြန်မာနိုင်ငံတွင် COVID-19 ရောဂါဓာတ်ခွဲအတည်ပြုလူနာ (၉၄) ဦး တွေ့ရှိခဲ့ပြီးဖြစ်ပါသည်။
၅။ (၁၇-၄-၂၀၂၀)ရက်နေ့တွင် ဓာတ်ခွဲအတည်ပြုခဲ့သည့် အင်းစိန်ပြည်သူ့ဆေးရုံကြီးမှ ဓာတ်ခွဲအတည်ပြုလူနာ (Case-086) အသက် (၇၈) နှစ်အရွယ် အမျိုးသားတစ်ဦးသည် ဆီးချိုရောဂါနှင့် သွေးတိုးရောဂါ အခံရှိသူဖြစ်ပြီး (၁၃-၄-၂၀၂၀) ရက်နေ့တွင် ရောဂါလက္ခဏာများခံစားခဲ့ရသဖြင့် (၁၅-၄-၂၀၂၀) ရက်နေ့တွင် အင်းစိန်ပြည်သူ့ဆေးရုံကြီး၌ စောင့်ကြည့်လူနာအဖြစ် ကုသမှုခံယူခဲ့ပါသည်။ ၎င်းအား COVID-19 ရောဂါဓာတ်ခွဲအတည်ပြုပြီးနောက် (၁၇-၄-၂၀၂၀)ရက်နေ့၊ ည (၁၀:၅၀) နာရီ အချိန်၌ ဝေဘာဂီ အထူးကု ဆေးရုံကြီးသို့လွှဲပြောင်း၍ အထူးကြပ်မတ်ကုသဆောင်တွင် ကုသမှုပေးခဲ့ရာ (၁၈-၄-၂၀၂၀) ရက်နေ့၊ နံနက် (၀၂:၅၅)နာရီအချိန်တွင် သေဆုံးခဲ့ပါသည်။ သေဆုံးရသည့် အကြောင်းရင်းမှာ ပြင်းထန်အဆုတ်ရောင်ရောဂါကြောင့် ရုတ်တရက် အသက် ရှူလမ်းကြောင်းပျက်စီးခြင်းနှင့် သွေးတိုးရောဂါနှင့် အမျိုးအစား (၂) ဆီးချိုရောဂါအခံရှိခြင်း တို့ကြောင့် ဖြစ်ကြောင်း သိရှိရပါသည်။
၆။ ဝေဘာဂီအထူးကုဆေးရုံကြီးတွင် လူနာ (၂) ဦးအား အထူးကြပ်မတ်ကုသဆောင်တွင် ကုသမှုပေးလျက်ရှိပြီး ကျန်လူနာများ၏ အခြေအနေများမှာ တည်ငြိမ်ကောင်းမွန်လျက်ရှိပါ သည်။
%2F&hash=a6a1c319429b7abc0a8e21dc137ab33930842cf5&fileName=18-4-20_COVID19_10(1).jpg)
%2F&hash=a6a1c319429b7abc0a8e21dc137ab33930842cf5&fileName=18-4-20_COVID19_10(2).jpg)
%2F&hash=a6a1c319429b7abc0a8e21dc137ab33930842cf5&fileName=18-4-20_COVID19_10(3).jpg)
Author: MOHS-Admin
Last modified on Saturday, 18 Apr 2020