ဝေဘာဂီအထူးကုဆေးရုံကြီးတွင် ဆန္ဒအလျှောက်အဆိုပြုတာဝန်ထမ်းဆောင်နေသော ကျန်းမာရေးဝန်ထမ်းများနေထိုင်နေရာသို့ ပြည်ထောင်စုဝန်ကြီးသွားရောက်တွေ့ဆုံ (10-4-2020)
ရန်ကုန်၊ (၂၀၂၀) ပြည့်နှစ်၊ ဧပြီလ (၁၀) ရက်နေ့
ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးသည် ဧပြီလ (၈) ရက်နေ့၊ ညနေတွင် ဝေဘာဂီအထူးကုဆေးရုံကြီးတွင် ဆန္ဒအလျှောက် အဆိုပြုတာဝန်ထမ်းဆောင်နေသော ကျန်းမာရေးနှင့်အားကစားဝန်ကြီးဌာန၊ ဦးစီးဌာန အသီးသီးမှ ကျန်းမာရေးဝန်ထမ်းများ ခေတ္တနေထိုင်လျက်ရှိသော မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်မှ ပံ့ပိုးပေးထားသည့် သုဝဏ္ဏဘောလုံးအကယ်ဒမီနှင့် တာမွေမြို့နယ်၊ မေတ္တာညွန့်ရပ်ကွက်ရှိ AYA သင်တန်းကျောင်းသို့ သွားရောက်ခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=10.4.20_Yangon(1).jpg)
%2F&hash=a6a1c319429b7abc0a8e21dc137ab33930842cf5&fileName=10.4.20_Yangon(2).jpg)
ထိုသို့သွားရောက်ရာတွင် ပြည်ထောင်စုဝန်ကြီးသည် ဝေဘာဂီအထူးကုဆေးရုံကြီးတွင် ဆန္ဒအလျှောက်အဆိုပြုတာဝန်ထမ်းဆောင်နေသော ကျန်းမာရေးဝန်ထမ်းများအားတွေ့ဆုံ၍ ကျေးဇူးတင်အားပေးစကားပြောကြားခဲ့ကာ လိုအပ်ချက်များကို မေးမြန်းခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=10.4.20_Yangon(3).jpg)
%2F&hash=a6a1c319429b7abc0a8e21dc137ab33930842cf5&fileName=10.4.20_Yangon(4).jpg)
ထို့နောက် ပြည်ထောင်စုဝန်ကြီးသည် မြန်မာနိုင်ငံဘောလုံးအသင်း ဥက္ကဋ္ဌ ဦးဇော်ဇော်နှင့် တွေ့ဆုံကာ ပံ့ပိုးမှုများအတွက် ကျေးဇူးတင်ရှိကြောင်း ပြောကြားခဲ့ပါသည်။
ဆက်လက်၍ ပြည်ထောင်စုဝန်ကြီးသည် ဧရာဝတီဖောင်ဒေးရှင်းက Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟိုကော်မတီသို့ လှူဒါန်းသည့် ကျပ် (၅,၀၀၀) သိန်းကို လက်ခံခဲ့ပြီး ကျေးဇူးတင်စကားပြောကြားခဲ့ပါသည်။
Author: MOHSAdmin3
Last modified on Friday, 10 Apr 2020