ဧရာဝတီတိုင်းဒေသကြီး ပြည်သူ့ကျန်းမာရေးဦးစီးဌာနတွင် ပဏာမ မျက်စိကျန်းမာရေး စောင့်ရှောက်မှု (Primary Eye Care) ဆရာဖြစ် သင်တန်း ကျင်းပပြုလုပ်
ပုသိမ်၊ ၂၀၁၉ ခုနှစ်၊ ဩဂုတ်လ (၂၀) ရက်
ဧရာဝတီတိုင်းဒေသကြီး ပြည်သူ့ကျန်းမာရေးဦးစီးဌာန အစည်းအဝေးခန်းမတွင် (၂၀-၈-၂၀၁၉) ရက်နေ့၌ ပဏာမ မျက်စိကျန်းမာရေး စောင့်ရှောက်မှု (Primary Eye Care) ဆရာဖြစ် သင်တန်းကို ကျင်းပ ပြုလုပ်ခဲ့ရာ ဒုတိယတိုင်းဒေသကြီး ပြည်သူ့ကျန်းမာရေးဦးစီးဌာနမှူး ဒေါက်တာသီဟအောင် က အဖွင့်အမှာစကား ပြောကြားပါသည်။ ပြည်သူ့ကျန်းမာရေးဦးစီးဌာန၊ မျက်ခမ်းစပ် တိုက်ဖျက်ရေးနှင့် မျက်မမြင် ကာကွယ်ရေးစီမံကိန်းမှ ဒုတိယညွှန်ကြားရေးမှူး ဒေါက်တာမောင်မောင်မျိုးဝင်း က ပဏာမမျက်စိ ကျန်းမာရေးစောင့်ရှောက်မှုနှင့်ပတ်သက်၍ စာတွေ့၊ လက်တွေ့ ရှင်းလင်းပို့ချခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=20-8-19_AYY_EyeCare%20(1).jpeg)
အဆိုပါသင်တန်းသို့ တိုင်းဒေသကြီး ပြည်သူ့ကျန်းမာရေးဦးစီးဌာနမှ သင်တန်းသား (၉) ဦး၊ မြို့နယ်ပြည်သူ့ကျန်းမာရေးဦးစီးဌာနများမှ သင်တန်းသား (၇၁) ဦး၊ စုစုပေါင်း (၈၀) ဦး တက်ရောက်ခဲ့ပြီး သင်တန်းကာလမှာ (၂) ရက်ကြာမြင့်ပါသည်။ ဆက်လက်၍ ဧရာဝတီတိုင်းဒေသကြီးအတွင်းရှိ မြို့နယ်အားလုံးတွင်လည်း အခြေခံကျန်းမာရေးဝန်ထမ်းများအား ဆင့်ပွားသင်တန်းပို့ချခြင်းများ ပြုလုပ်မည် ဖြစ်ပါသည်။
%2F&hash=a6a1c319429b7abc0a8e21dc137ab33930842cf5&fileName=20-8-19_AYY_EyeCare%20(2).jpeg)
Author: MOHS-Admin
Last modified on Tuesday, 20 Aug 2019