ဟားခါးမြို့၊ မေ(၂၂)ရက်
ကျန်းမာရေးနှင့်အားကစားဝန်ကြီးဌာန ကျန်းမာရေးနှင့်လူ့စွမ်းအား အရင်းအမြစ်ဦးစီးဌာနမှ ညွှန်ကြားရေးမှူးချုပ် ဒေါက်တာတင်တင်လေးနှင့် အဖွဲ့သည် ၂၀၁၉ ခုနှစ်၊ မေလ (၂၀) ရက်နေ့တွင် ဟားခါးသားဖွားသင်တန်းကျောင်း ဖွင့်လှစ်နိုင်ရေးအတွက် အဆောင်အဦများ ဆောက်လုပ်နေမှုအား ကွင်းဆင်းစစ်ဆေး၍ လမ်းညွှန်မှုများပေးခြင်း၊ ချင်းပြည်နယ်အစိုးရအဖွဲ့ လူမှုရေးဝန်ကြီးနှင့် တွေ့ဆုံ၍ အဆောက်အဦများ အချိန်မီပြီးစီးရေး၊ သင်တန်းဖွင့်လှစ်နိုင်ရေးနှင့် အဆောက်အဦများ ဆက်လက်တည်ဆောက်မည့် အစီအစဉ်များအား ဆွေးနွေးခဲ့ပါသည်။