သံတွဲမြို့၊ ၂၀၁၉ ခုနှစ်၊ ဒီဇင်ဘာလ (၇) ရက်
သံတွဲမြို့နယ် ပြည်သူ့ကျန်းမာရေးဌာနနှင့် မြန်မာနိုင်ငံကျန်းမာရေးမှူးအသင်း (MHAA) တို့ ပူးပေါင်း၍ သံတွဲမြို့နယ်၊ ပုဇွန်ဖြေကျေးရွာ၊ အထက်တန်းကျောင်းခွဲ၌ ၂၀၁၉ ခုနှစ်၊ ဒီဇင်ဘာလ (၇) ရက်နေ့တွင် လူထုကျန်းမာရေးဆေးခန်း (Community Clinic) ကွင်းဆင်းဆေးကုသခြင်းလုပ်ငန်းများ ဆောင်ရွက် ခဲ့ကြသည်။ တက်ရောက်လာသော မိဘပြည်သူများအား သံတွဲခရိုင် ပြည်သူ့ကျန်းမာရေးဦးစီးဌာနမှူး ဒေါက်တာကျော်နိုင်ဝင်းက သွေးတိုးရောဂါ၊ ဆီးချိုရောဂါ၊ နှလုံးရောဂါ စသည့် မကူးစက်တတ်သော ရောဂါများနှင့်ပတ်သက်၍ အသိပညာပေးဟောပြောပြီးနောက် သွေးတိုးရောဂါ၊ ဆီးချိုရောဂါ နှလုံးရောဂါနှင့် အခြားရောဂါအမျိုးမျိုးခံစားနေရသူ လူနာ (၇၉)ဦးအား အခမဲ့ ဆေးကုသမှုပေးခဲ့ကြသည်။