သံတွဲမြို့၊ ၂၀၁၉ ခုနှစ်၊ ဒီဇင်ဘာလ (၅) ရက်
ဂျာမန်နိုင်ငံအခြေစိုက် မြန်မာစားဖိုးမှူးများအသင်းနှင့် မြန်မာဆရာဝန်ကြီးများအဖွဲ့ ပူးပေါင်း၍ နှုတ်ခမ်းကွဲ၊ အာခေါင်ကွဲနှင့် မီးလောင်ဒဏ်ရာရရှိထားသော လူနာများအား သံတွဲခရိုင်ပြည်သူ့ဆေးရုံကြီးတွင် ၂၀၁၉ ခုနှစ်၊ ဒီဇင်ဘာလ (၅) ရက်မှစတင်၍ အခမဲ့ ခွဲစိတ်ကုသမှုများ ပြုလုပ်နေပြီ ဖြစ်ပါသည်။ အခမဲ့ခွဲစိတ်ကုသမှုများအား ဂျာမန် မျက်နှာနှင့်မေးရိုးခွဲစိတ်ကုဆရာဝန်ကြီးများ၊ ဂျာမန်မေ့ဆေးအထူးကုဆရာဝန်ကြီးများ၊ ဆေးတက္ကသိုလ်(၂)၊ မြောက်ဥက္ကလာဆေးရုံကြီး၊ မျက်နှာ၊ မေးရိုးနှင့် ခံတွင်း ပြုပြင်ခွဲစိတ်ကုသရေးဌာနမှ ပါမောက္ခ၊ ဌာနမှူး ဒေါက်တာကျော်ဇံနိုင်၊ ဆေးတက္ကသိုလ်(၁)၊ ရန်ကုန်ပြည်သူ့ဆေးရုံကြီး၊ မျက်နှာ၊ မေးရိုးနှင့်ခံတွင်း ပြုပြင်ခွဲစိတ်ကုသဌာန ပါမောက္ခ၊ ဌာနမှုး ( ငြိမ်း) Dr. ခင်မောင်လွင် နှင့် သံတွဲခရိုင်ပြည်သူ့ဆေးရုံမှ အထူးကုဆရာဝန်များ ပါဝင်သော အဖွဲ့မှ ဒီဇင်ဘာလ (၁၄) ရက်နေ့အထိ ပြုလုပ်ပေးသွားမည်ဖြစ်ပါသည်။