စစ်တွေ စက်တင်ဘာ (၁၂) ရက်
ပြည်သူ့ကျန်းမာရေးဦးစီးဌာန၊ မိခင်နှင့်မျိုးဆက်ပွားကျန်းမာရေးဌာနခွဲ၊ 3MDG အဖွဲ့နှင့် IOM အဖွဲ့ တို့ပူးပေါင်း၍ Multiplier Training on Long Acting Reversible Contraception – Implant သင်တန်းကို (၁၀-၉-၂၀၁၈) မှ (၁၃-၉-၂၀၁၈) ရက်နေ့အထိ ရခိုင်ပြည်နယ်၊ စစ်တွေမြို့ ပြည်သူ့ဆေးရုံကြီးတွင် ကျင်းပပြုလုပ်ခဲ့ပါသည်။
အဆိုပါ သင်တန်းဖွင့်ပွဲအခမ်းအနားသို့ မိခင်နှင့်မျိုးဆက်ပွားကျန်းမာရေးဌာနခွဲမှ ညွှန်ကြားရေးမှူးနှင့် ရခိုင်ပြည်နယ် ပြည်သူ့ကျန်းမာရေးဦးစီးဌာနမှူးနှင့် တာဝန်ရှိသူများ တက်ရောက်ခဲ့ကြပြီး ရခိုင်ပြည်နယ်အတွင်းရှိ မြို့နယ်များမှ မြို့နယ်ပြည်သူ့ကျန်းမာရေးဦးစီးဌာနမှူးများ၊ တိုက်နယ်ဆရာဝန်နှင့် လက်ထောက်ဆရာဝန်များ စုစုပေါင်း (၂၀) ဦးခန့် တက်ရောက်သင်ကြားခဲ့ပါသည်။
သင်တန်းတက်ရောက်ပြီးသူများအနေဖြင့် သက်ဆိုင်ရာမြို့နယ်များတွင် Contraceptic Implant ဖြင့် သားဆက်ခြားခြင်းလုပ်ငန်းကို အခမဲ့ ထည့်သွင်းဆောင်ရွက်ပေးနိုင်မည်ဖြစ်ပါသည်။