MINISTRY OF HEALTH

မော်လမြိုင်၊၂၀၁၉ခုနှစ်၊ဒီဇင်ဘာလ(၂၇)ရက်

     ပြည်နယ်ပြည်သူ့ကျန်းမာရေးဦးစီးဌာနနှင့် အဆင့်မြင့်ပညာဦးစီးဌာနတို့ ပူးပေါင်းကျင်းပ ပြုလုပ်သော ပျိုရွယ်သူ မျိုးဆက်ပွားကျန်းမာရေး၊ ကျားမအခြေပြု အကြမ်းဖက်မှု၊ အေအိုင်ဒီအက်စ် ရောဂါကာကွယ်တားဆီးရေး၊ ဆေးလိပ်နှင့် ဆေးရွက်ကြီး အန္တရာယ် တားဆီးကာကွယ်ရေးပညာပေး အခမ်းအနားကို ဒီဇင်ဘာလ(၂၇)ရက်နေ့၊ နံနက်(၉:၃၀) နာရီအချိန်တွင် မော်လမြိုင်ပညာရေး ကောလိပ်(ပညာညီလာခန်းမ)၌ ကျင်းပခဲ့ပါသည်။ အဆိုပါ အခမ်းအနားတွင် မော်လမြိုင်ပညာရေး ကောလိပ်၊ ဒုတိယကျောင်းအုပ်ဆရာမကြီး ဒေါ်နွယ်နွယ်ဝေမှ အဖွင့်အမှာစကားပြောကြားခဲ့ပြီး မွန်ပြည်နယ် ပြည်သူ့ကျန်းမာရေးဦးစီးဌာန၊ ဒုတိယပြည်နယ်ပြည်သူ့ကျန်းမာရေးဦးစီးဌာနမှူး (ပြည်သူ့ကျန်းမာ) ဒေါက်တာခင်စန်းအေးမှ ပညာပေးလုပ်ငန်း ဆောင်ရွက်ရခြင်းအကြောင်း ရှင်းလင်းတင်ပြခဲ့ပါသည်။

     အဆိုပါ ပညာပေးအခမ်းအနားတွင် ဒုတိယပြည်နယ် ပြည်သူ့ကျန်းမာရေးဦးစီးဌာနမှူး (ပြည်သူ့ကျန်းမာ) ဒေါက်တာခင်စန်းအေးမှ ကျားမအခြေပြု အကြမ်းဖက်မှုအကြောင်း၊ ပြည်နယ်မိခင်ကလေး/ကျောင်းကျန်းမာ/အာဟာရ ဌာနမှ လက်ထောက်ညွှန်ကြားရေးမှူး ဒေါက်တာခင်အေးခိုင်မှ ပျိုရွယ်သူမျိုးဆက်ပွား ကျန်းမာရေးအကြောင်း၊ မော်လမြိုင်ခရိုင် ပြည်သူ့ကျန်းမာရေးဦးစီးဌာနမှ အဖွဲ့ခေါင်းဆောင်ဆရာဝန် ဒေါက်တာကျော်မြတ်ထွန်းမှ ဆေးလိပ် နှင့်ဆေးရွက်ကြီးအန္တရာယ် တားဆီးကာကွယ်ရေးအကြောင်း၊ ပြည်နယ်ခုခံကျ/ကာလသားရောဂါ တိုက်ဖျက်ရေးဌာနမှ ဒေါ်အေးအေးသင်းက HIV/AIDS ရောဂါအကြောင်း အသီးသီးရှင်းလင်း ပြောကြားခဲ့ပါသည်။ ထို့နောက် တက်ရောက်လာသူများက ပြခန်းငယ်ကို လှည့်လည်ကြည့်ရှုခဲ့ပြီး သိလိုသည်များမေးမြန်းကြကာ တာဝန်ရှိသူများမှ ရှင်းလင်းဖြေကြားခဲ့ပါသည်။ အဆိုပါပညာပေး အခမ်းအနားသို့ မော်လမြိုင်ပညာရေးကောလိပ်မှ ဌာနမှူးများ၊ ဆရာ၊ ဆရာမများ၊ ကျောင်းသား/သူများ စုစုပေါင်း(၃၀၅)ဦးခန့် တက်ရောက်ခဲ့ပါသည်။