တောင်ကုတ်မြို့တွင် အပြည်ပြည်ဆိုင်ရာ မသန်စွမ်းသူများနေ့ အခမ်းအနား ကျင်းပပြုလုပ်
တောင်ကုတ်မြို့၊ ၂၀၁၉ခုနှစ်၊ ဒီဇင်ဘာလ (၃)ရက်
ပြည်သူလူထုအတွင်း မသန်စွမ်းသူများ ရင်ဆိုင်ကြုံတွေ့နေရသော အခက်အခဲအတားအဆီးများအား ပိုမိုသိရှိသဘောပေါက်နားလည်စေရန်၊ မသန်စွမ်းသူများ၏ ဂုဏ်သိက္ခာ၊ အခွင့်အရေးနှင့် ကျန်းမာရေးအတွက် ကူညီပံ့ပိုးမှုများကို အရှိန်အဟုန်မြှင့်တင် ဆောင်ရွက်နိုင်ရန်၊ အားလုံးပူးပေါင်းပါဝင်သော လူ့ဘောင်အဖွဲ့အစည်း ပေါ်ပေါက်လာစေရန် ရည်ရွယ်၍ တောင်ကုတ်မြို့နယ်ပြည်သူ့ကျန်းမာရေးဦးစီးဌာနနှင့် မြန်မာနိုင်ငံကျန်းမာရေးမှူးအသင်းတို့ ပူးပေါင်းကာ အပြည်ပြည်ဆိုင်ရာ မသန်စွမ်းသူများနေ့ အခမ်းအနားကို တောင်ကုတ်မြို့နယ်ခန်းမတွင် ၂၀၁၉ ခုနှစ်၊ ဒီဇင်ဘာလ (၃) ရက်၌ ကျင်းပခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=3-11-19_Tg_DisDay%20(2).jpeg)
%2F&hash=a6a1c319429b7abc0a8e21dc137ab33930842cf5&fileName=3-11-19_Tg_DisDay%20(1).jpeg)
အခမ်းအနားတွင် တောင်ကုတ်မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာလှထွန်းဇော်က မြို့နယ်အတွင်းရှိ မသန်စွမ်းသူများ၏ လက်ရှိအခြေအနေနှင့် ကူညီဆောင်ရွက်ပေးလျက်ရှိသော လုပ်ငန်းများနှင့်ပတ်သက်၍ အဖွင့်အမှာစကားပြောကြားခဲ့ပါသည်။ အခမ်းအနားသို့ မြို့နယ်မိခင်နှင့်ကလေးစောင့်ကြပ်မှု ကြီးကြပ်ရေးအသင်း၊ အမျိုးသမီးရေးရာအသင်း၊ လူမှုကယ်ဆယ်ရေးနှင့် ပြန်လည်နေရာချထားရေးဦးစီးဌာန၊ မြန်မာနိုင်ငံကြက်ခြေနီအသင်း၊ မြန်မာနိုင်ငံကျန်းမာရေးမှူးအသင်းတို့မှ တာဝန်ရှိသူများ၊ ဖိတ်ကြားထားသော ဧည့်သည်တော်များ၊ အခြေခံကျန်းမာရေးပညာရှင်ဝန်ထမ်းများ တက်ရောက်ခဲ့ကြပါသည်။
Author: MOHS-Admin
Last modified on Tuesday, 03 Dec 2019