စစ်တွေမြို့တွင် ၂၀၁၉-ခုနှစ် ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့ အထိမ်းအမှတ် အခမ်းအနား ကျင်းပပြုလုပ်
စစ်တွေမြို့၊ (၂၀၁၉)ခုနှစ်၊ ဒီဇင်ဘာလ(၁)ရက်
ရခိုင်ပြည်နယ်၊ စစ်တွေမြို့၊ ဦးဥတ္တမခန်းမ၌ (၂၀၁၉)ခုနှစ်၊ ဒီဇင်ဘာလ(၁)ရက်နေ့၊ နံနက်(၉)နာရီ အချိန်တွင် ၂၀၁၉-ခုနှစ် ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ အထိမ်းအမှတ် အခမ်းအနား ကျင်းပပြုလုပ် ခဲ့ပါသည်။ အခမ်းအနားကို ရခိုင်ပြည်နယ် ဝန်ကြီးချုပ်ဦးညီပုနှင့်ဇနီး၊ ရခိုင်ပြည်နယ် ကုသရေးနှင့် ပြည်သူ့ကျန်းမာရေး ဦးစီးဌာနမှူးနှင့်တကွ တာဝန်ရှိပုဂ္ဂိုလ်များ၊ စစ်တွေအထွေထွေ ရောဂါကုဆေးရုံကြီးမှ ဆေးရုံအုပ်ကြီးနှင့် သမားတော် များ၊ ဌာနဆိုင်ရာအသီးသီးမှ တာဝန်ရှိပုဂ္ဂိုလ်များ၊ ပညာရေး ဝန်ကြီးဌာနမှ ဆရာ/မများနှင့်ကျောင်းသား/သူများ၊ သတင်းမီဒီယာများ တက်ရောက်ခဲ့ကြပါသည်။ အဆိုပါ အခမ်းအနားတွင် ရခိုင်ပြည်နယ် ဝန်ကြီးချုပ် ဦးညီပုက အဖွင့်အမှာစကား ပြောကြားခဲ့ပါသည်။
%2FDec-2019(A)%2F&hash=a6a1c319429b7abc0a8e21dc137ab33930842cf5&fileName=1-12-19_RKN%20WAIDS%20(1).jpeg)
%2FDec-2019(A)%2F&hash=a6a1c319429b7abc0a8e21dc137ab33930842cf5&fileName=1-12-19_RKN%20WAIDS%20(2).jpeg)
ထို့နောက် ရခိုင်ပြည်နယ် ကုသရေးနှင့်ပြည်သူ့ကျန်းမာရေးဦးစီးဌာနမှူး ဒေါက်တာစိုင်းဝင်းဇော်လှိုင် က ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့အထိမ်းအမှတ် မိန့်ခွန်းစကား ပြောကြားခဲ့ပါသည်။ ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့အထိမ်းအမှတ် စာစီစာကုံး၊ ပန်းချီ၊ ကာတွန်းပြိုင်ပွဲများတွင် ဆုရရှိသော ကျောင်းသား/သူများအား ဆုချီးမြှင့်ပေးခြင်းနှင့် ပညာပေးတေးသရုပ် ဖော်များဖြင့်တင်ဆက်ပြီး အခမ်းအနားကို အောင်မြင်စွာ ရုပ်သိမ်းခဲ့ပါသည်။
Author: MOHS-Admin
Last modified on Sunday, 01 Dec 2019