စစ်တွေ၊ မတ်လ (၂၅) ရက်
ရခိုင်ပြည်နယ် ပြည်သူ့ကျန်းမာရေးဦးစီးဌာနသည် ကမ္ဘာ့တီဘီရောဂါတိုက်ဖျက်ရေး အခမ်းအနားကို ၂၀၁၉ ခုနှစ်၊ မတ်လ (၂၄) ရက်နေ့၊ ရခိုင်ပြည်နယ် စစ်တွေမြို့ ဘိုးဘွားရိပ်သာ၌ ပြုလုပ်ကျင်းပ ခဲ့ပါသည်။
အဆိုပါအခမ်းအနားတွင် ပြည်နယ် ပြည်သူ့ကျန်းမာရေးဌာန၊ တီဘီရောဂါတိုက်ဖျက်ရေးဌာနခွဲမှ လက်ထောက် ညွှန်ကြားရေးမှူးဦးဆောင်သော တီဘီတိုက်ဖျက်ရေးဝန်ထမ်းများက ဘိုးဘွားရိပ်သာရှိ အဘိုး အဘွား (၅၂) ဦးအား တီဘီရောဂါရှိ/မရှိ စစ်ဆေးပေးခြင်း၊ ကျန်းမာရေး အသိပညာပေးခြင်း၊ လတ်တလော နာမကျန်းဖြစ်နေသူများအား ဆေးကုသပေးခြင်း စသည့် ကျန်းမာရေးစောင့်ရှောက်မှု များ ပြုလုပ်ဆောင်ရွက်ပေးခဲ့ပါသည်။