MINISTRY OF HEALTH

၁။ ကျန်းမာရေးနှင့်အားကစားဝန်ကြီးဌာနသည် 2019-nCoV လတ်တလောအသက်ရှု လမ်းကြောင်းဆိုင်ရာရောဂါ စောင့်ကြပ်ကြည့်ရှမှုနှင့် ကာကွယ်ထိန်းချုပ်ရေး လုပ်ငန်းများကို အရှိန်အဟုန်ဖြင့် ဆောင်ရွက်လျက်ရှိရာ ယနေ့ (၆-၂-၂၀၂၀) ရက်နေ့၊ နံနက်အထိ သံသယလူနာ (၂) ဦးအပါအဝင် လူနာ (၁၀) ဦး တို့အား ဆေးရုံများတွင် ဆက်လက်၍စောင့်ကြပ်ကြည့်ရှု ကုသမှုပေးခဲ့ပါသည်။

၂။ အဆိုပါ စောင့်ကြပ်ကြည့်ရှုကုသမှုခံယူနေသော လူနာများအနက် -

(၁) လွိုင်ကော် ပြည်သူ့ဆေးရုံမှ အသက်(၂)နှစ်(၂)လအရွယ် ကလေးငယ် (မ) တစ်ဦး၊
(၂) ဝေဘာဂီအထူးကုဆေးရုံမှ အသက် (၁၅) နှစ်အရွယ် ကလေး (ကျား) တစ်ဦး၊
(၃) ကျိုင်းတုံပြည်သူ့ဆေးရုံကြီးမှ အသက် (၁) နှစ်၊ (၂) လ အရွယ်ရှိ ကလေးငယ် (မ) တစ်ဦးနှင့်
(၄) နေပြည်တော် ခုတင် (၁၀၀၀) ဆံ့ပြည်သူ့ဆေးရုံကြီးမှ အသက် (၂၉) နှစ်အရွယ် အမျိုးသားတစ်ဦး၊ စုစုပေါင်း လူနာ(၄)ဦးတို့၏ ဓာတ်ခွဲအဖြေများတွင် 2019 Novel Coronavirus ဗိုင်းရပ်ရောဂါပိုး မရှိပါကြောင်း (မရှိကြောင်း)ကို (၅-၂-၂၀၂၀)ရက်နေ့၊ ညပိုင်း၌ ရည်ညွှန်းဓာတ်ခွဲခန်းမှပြန်ကြားလာခဲ့ပါသည်။

(သတင်းထုတ်ပြန်ပြီး)

၃။ အဆိုပါလူနာ (၄)ဦး၏ ကျန်းမာရေးအခြေအနေမှာလည်း ကောင်းမွန်လျက်ရှိသဖြင့် သက်ဆိုင်ရာဆေးရုံများမှ (၆-၂-၂၀၂၀) ရက်နေ့၊ နေ့လယ်ပိုင်းတွင် ဆင်းခွင့်ပြုလိုက်ပြီး ဖြစ်ပါသည်။

၄။ ထို့အပြင် ကျိုင်းတုံပြည်သူ့ဆေးရုံကြီးတွင် စောင့်ကြပ်ကြည့်ရှုခဲ့သည့် လူနာနှင့် အနီးကပ် ထိတွေ့သူ (၄)ဦးအားလည်း ဆေးရုံတွင် ဆက်လက်ထားရှိရန် မလိုအပ်တော့သဖြင့် ဆေးရုံမှ (၆-၂-၂၀၂၀)ရက်နေ့၊ နေ့လယ်တွင် ဆင်းခွင့်ပြုလိုက်ပြီ ဖြစ်ပါသည်။ ဆေးရုံမှဆင်းခွင့်ပြုချိန်တွင် လူနာများအား ကျန်းမာရေးပညာပေးခြင်းနှင့် လိုအပ်ပါက သက်ဆိုင်ရာကျန်းမာရေးဌာနများနှင့် ပြန်လည် ဆက်သွယ်ရန် မှာကြားခဲ့ပါသည်။

၅။ ကျန်လူနာများ၏ ကျန်းမာရေးအခြေအနေမှာ (ယနေ့၊ ညနေ စစ်ဆေးချက်များအရ) ကောင်းမွန်လျက်ရှိပါသည်။